Aqtaýlyq kásipker balalarǵa sport alańyn syıǵa tartty

AQTAÝ. QazAqparat - Aqtaýlyq kásipker balalarǵa sport alańyn syıǵa tartty, dep habarlaıdy QazAqparat tilshisi.

13-shaǵynaýdandaǵy 27-inshi úıdiń janynan salynǵan jańa sport alańy sońǵy úlgidegi qural-jabdyqtarmen jasaqtalǵan. Munda bir mezette 100-ge jýyq bala sportpen shuǵyldanyp, sheberlikterin shyńdaı alady. Balalar endi oıyndaryn óz alańdarynda ótkizetinine qýanyshty.

Ashylý saltanatynan soń fýtboldan jarys uıymdastyryldy.

Aıta keteıik, Aqtaýda 109 sport alańy bar. Onyń 66-syna jóndeý jumystary júrgizilýde.

«Kásipkerge alǵysymyzdy bildiremin. Osyndaı márt azamattardyń arqasynda qalada el ıgiligi úshin ashylǵan nysandar sany arta bersin. Bıylǵy jyly ákimdik tarapynan kóptegen sport alańdaryna jóndeý jumystary júrgizilýde. Balalar óte qýanyshty», - deıdi Aqtaý qalalyq sport jáne deneshynyqtyrý bóliminiń basshysy Qanat Jumabaev.