Aqtaýlyq fýtbolıst úılený toıynda Argentınanyń jeńisin toılady

AQTAÝ.QazAqparat - Reseılik «Zenıt» klýby men Qazaqstan quramasynyń qorǵaýshysy Nuraly Álip Aqtaýdaǵy úılený toıynda Argentınanyń jeńisin toılady, dep habarlaıdy QazAqparat tilshisi.

Jastardyń úılený toıy Aqtaý qalasyndaǵy «Han shahar» saltanat saraıynda ótken.

Úılený toıy kezinde meıramhanadaǵy ekrandardan álem chempıonatynan tikeleı kórsetilim qoıylǵan.

Al álem chempıonatynyń jeńimpazy anyqtalǵan sátte fýtbolıstiń meıramhananyń ortasynda shattanyp júrgen vıdeosy áleýmettik jelide tarady.

Aıta keteıik, Nuraly Paqtuly Álip - Aqtaý qalasynyń týmasy. «Kaspıı» fýtbol klýbynyń túlegi. 2015 jyly «Qaırat» klýbynyń jastar komandasyna alynǵan.

2018 jyly naýryzda almatylyq klýbtyń negizgi quramyna endi. Alǵashqy oıynyn 11 naýryz kúni «Qyzyljar» klýbyna qarsy ótkizip, alańda 90 mınýt boıy oınady. Bul oıynda «Qaırat» 2:1 esebimen jeńiske jetti.

2020 jyly Qazaqstan chempıony atandy.

2022 jyly qańtarda «Zenıt» klýbynyń qorǵaýshysy boldy.