Aqtaýlyq boıjetken álemdegi eń úzdik fotomodel atandy

AQTAÝ. QazAqparat - 25 jastaǵy Sandýǵash Ábdirahman Ázerbaıjan elinde ótken baıqaýda «Álemniń eń úzdik fotomodeli» ataǵyn ıelendi, dep habarlaıdy QazAqparat tilshisi.

Baký qalasynda ótken «World beauty Championship of bridal hairstyle & Make up 2019» baıqaýyna BAÁ, Reseı, Azııa elderi, AQSh, Zambııa, Meksıka, Eýropa, Ońtústik Amerıka elderinen has sulýlar qatysqan. Qazaqstan atynan 5 boıjetken baq synady, onyń úsheýi - model, qalǵandary - bet pen shash árleýshi.

Osy baıqaýda aqtaýlyq Sandýǵash Ábdirahman «Best Photomodel of the World 2019» ataǵyn jeńip alǵan.

Jeńimpazdyń aıtýynsha, mundaı sulýlyq baıqaýlaryna birinshi ret qatysyp otyrǵan joq. Ol osyǵan deıin Úndistanda ótken «Miss Supermodel Worldwide» baıqaýynda Miss Caspian ataǵyn ıelengen. Sondaı-aq, Serbııada ótken Miss World Car & Motorsport 2017 konkýrsynda top jarǵan.