Aqtaýlyq bodıbılder Qazaqstan kýbogynyń absolıýtti chempıony atandy
AQTAÝ. QazAqparat - 26 jastaǵy aqtaýlyq atlet absolıýtti salmaq dárejesinde óner kórsetken10 bodıbılderdiń ishinde top jardy, dep habarlaıdy lada.kz.
Bizdiń atlettiń aıtýynsha, WBPF Qazaqstan absolıýtti chempıony, Ózbekstan chempıony aqtóbelik Saǵadat Salmanov oǵan laıyqty qarsylas bolǵan. Nursultan Amantaı onymen burynnan tanys.
Nursultan Amantaıdyń jospary - Azııa chempıonatynda, álem chempıonatynda jáne «Arnold Classic» týrnırinde baq synaý. Sportshynyń aıtýynsha, buǵan qarjylyq máseleler qıyndyq keltirýde.
«Men árdaıym óner kórsetip, el namysyn qorǵaýǵa jáne Qazaqstannyń kók týyn joǵary kóterýge únemi daıynmyn», - dep atap ótti atlet.
Bodıbıldıng pen fıtnesten Qazaqstan Ashyq kýbogy 7-9 jeltoqsan aralyǵynda Almatyda ótti. Jarysqa 150 atlet qatysty.
Budan buryn Nursultan Amantaı 25 qarashada Tashkentte ótken bodıbıldıng pen fıtnesten Ózbekstan Ashyq kýbogynyń chempıony atandy. Atlet 100 kelige deıingi salmaq dárejesinde altyn medalge ıe boldy.
