Aqtaýlyqtar Kaspıı teńizi sýynyń qyzyl túske boıalýyna alańdaýly

AQTAÝ. KAZINFORM – Erekshe qubylys 1 shaǵyn aýdandaǵy teńizdiń jaǵalaýynda tirkeldi. Ádettegiden ózgeshe jaǵdaıǵa turǵyndar alańdaýshylyq tanytyp, ekologtarǵa habar bergen.

 

Alaıda Mańǵystaý oblystyq ekologııa departamentiniń habarlaýynsha, alańdaýǵa negiz joq, bul tabıǵı qubylys.

- Mańǵystaý oblystyq ekologııa departamentiniń mamandary jyl saıyn bolatyn, Kaspıı teńiziniń qyzyl túske boıalý qubylysyna baılanysty bıylǵy 12 aqpan kúni teńiz sýynan synama aldy. Onyń aıasynda teńiz sýynyń quramyna hımııalyq jáne munaı ónimderiniń bar nemese joq ekendigine taldaý jumystary júrgiziledi. Nátıjesi qosymsha jarııalanady, - delingen habarlamada.

Aqtaýlyq ekolog Kırıll Osınniń aıtýynsha, bul qubylys jylda qys mezgilinde qaıtalanady. Sebebi, osy kezde baldyrlar kóbeıip, gúldeıdi.

- Ásirese, qar jaýsa qyzyl tús qorqynyshty bolyp kórinedi. Bul negizi qońyr baldyrlar, - deıdi ekolog.

Mamandar «Dostar», «Nur-Plaza» jaǵajaılary men ıahta klýbynyń aýmaǵynan synamalar alǵan.

Buǵan deıin, Aqtaýda terrorızm týraly jalǵan habarlama taratqan turǵynnyń 1,5 jylǵa sottalǵany týraly jazǵan bolatynbyz.