Aqtaýlyqtar aýyzsýǵa qashan jarıdy – ákim jaýaby

ASTANA. KAZINFORM – Mańǵystaý oblysy ákimi aýyzsý máselesin kezeń-kezeńmen sheshý joly qarastyrylyp jatyr.

- Óńirdi aýyz sýmen qamtý máselesi áli de ózekti. Máseleni kezeń-kezeńimen sheshý úshin 2025 jylǵa deıin qýaty 140,5 myń tekshe metrdi quraıtyn 10 jobany júzege asyrý josparlanǵan. Onyń ishinde «Kaspıı» sý tuşytý zaýytynyń qýatyn 40 myń tekshe metrge deıin jetkizý jobasy men Aqtaý qalasynda táýligine 7 000 tekshe metr sý tuşytatyn zaýyttyń 1-shi kezeńi aıaqtalýda, - dedi Mańǵystaý oblysynyń ákimi Nurdáýlet Qılybaı ortalyq kommýnıkatsııalar qyzmeti alańynda ótken baspasóz máslıhatynda.

Ákimniń aıtýynsha, qalǵan 7 joba keler jyly iske asady.

- Bul jumys Memleket basshysynyń jiti baqylaýynda tur, - dep eske saldy óńir basshysy.

Eske sala keteıik, bizdiń agenttik aqtaýlyqtardyń jylý men sýǵa jarymaı otyrǵany týraly birneshe ret jazǵan edi.

Jergilikti bılik tapshylyq tek jaz aılarynda degenimen kúzdiń ekinshi aıy bolsa da, áli kúnge deıin aýyz sýdyń qysymy tómen, sýsyz otyrǵan turǵyndar bar.