Aqtaýlyq jastar «Aıraqty» taýynda senbilik ótkizdi
AQTAÝ. KAZINFORM - Aqtaý qalalyq qoǵamdyq damý ortalyǵynyń uıymdastyrýymen «Taza Qazaqstan» atty ekologııalyq aktsııasy aıasynda «Aıraqty» taýynyń mańynda tazalyq jumystaryn júrgizdi.
Qala ákimdiginiń baspasóz qyzmetiniń habarlaýynsha, tazalyq jumystaryna otyzǵa jýyq belsendi atsalysqan. Olardyń qatarynda Aqtaý qalalyq qoǵamdyq damý ortalyǵynyń ókilderi jáne «N.Bekbosynov atyndaǵy Mańǵystaý energetıkalyq» kolledjiniń stýdentteri bar.
"Shara barysynda «Aıraqty» taýynyń mańy qoqystan tazartyldy. Negizgi maqsat - jastardy qorshaǵan ortaǵa qurmetpen qarap, tazalyqqa baýlý. Barsha qazaqstandyqtardy jáne óńir turǵyndaryn ekologııalyq aktsııaǵa belsendi qatysýǵa shaqyramyn", - dedi «Qyzylsaı» memlekettik óńirlik tabıǵı parkiniń ǵylymı basshysy Salamat Qalbaev.
Osyǵan deıin Mańǵystaý jastary «Ybyqty-Saı» shatqalyna senbilik jasaǵan bolatyn.
Sondaı-aq, «Qoshqar ata» qorymy aýmaǵynda senbilik ótti.
