Aqtaýlyq jas shahmatshy álem chempıony atandy

AQTAÝ. KAZINFORM — Qazaqstan shahmat federatsııasynyń habarlaýynsha, aqtaýlyq jas grossmeıster Edgar Mamedov Albanııada ótken 16 jasqa deıingi ıýnıorlar arasynda álem chempıony atanǵan. 

Albanııada 4 - 15 qazan kúnderi ótken álem chempıonatynda U14, U16 jáne U18 sanattaryndaǵy jasóspirimder baq synaǵan. Edgar Mamedov osy jarysta U16 sanatynda altyn medalge ıe bolyp, álem chempıony atandy. Aıta keteıik, Edgar oınaǵan kategorııada 143 shahmatshy oınaǵan.

«Debıýt» shahmat mektebiniń dırektory Anvar Shaıhymovtyń aıtýynsha, bul jyl Edgar úshin erekshe jarqyn boldy. Ol Qazaqstan tarıhyndaǵy eń jas halyqaralyq grossmeıster atandy.

— 11 týrdyń qorytyndysy boıynsha Edgar 8 upaı jınady (5 jeńis, 6 teń oıyn jáne birde-bir jeńilis joq) jáne alǵash ret óziniń sporttyq mansabynda álem chempıony atandy. Ótken jyly Brazılııada Edgar 14 jasqa deıingi sanatta kúmis medal jeńip alǵan. Endi mine altyn aldy, — deıdi Anvar Shaıhymov

Sonymen qatar, U14 sanatynda FM Mark Smırnov eki márte álem chempıony atanyp, U16 sanatynda Saýat Nurǵalıev kúmis medal jeńip alǵan.

— Bul — Qazaqstan shahmat mektebiniń myqtylyǵyn, bapkerlerdiń eńbegin jáne jas sportshylardyń tabandylyǵyn dáleldeıtin tarıhı jetistik. Biz óz chempıondarymyzben sheksiz maqtanamyz, — deıdi «Debıýt» shahmat mektebiniń dırektory Anvar Shaıhymov.

Buǵan deıin, Aqtaýlyq shahmatshy Qazaqstan tarıhyndaǵy eń jas halyqaralyq grossmeıster atanǵany týraly jazǵan edik