Aqtaýlyq súńgýir teńiz astyndaǵy bir shaqyrymnan astam aýmaqty qoqystan tazalady
AQTAÝ. KAZINFORM - Aqtaýlyq súńgýir Qanat Abdıev Kaspıı teńiziniń astyndaǵy 1270 metr aýmaqty qoqystan tazalady, dep habarlaıdy qala ákimdiginiń baspasóz qyzmeti.
Teńiz astyndaǵy tazalyq jumystaryn súńgýir jıi júrgizgenimen, áleýmettik jelige kóp jarııalamaıdy eken.
Qanat Abdıevtiń aıtýynsha, teńiz astynda negizinen tamaq qaldyqtary men plastıkalyq ónimder kezdesedi. Súńgýir turǵyndardy tazalyqty saqtaýǵa shaqyrdy.
- Aqtaýlyq súńgýirlerdiń arnaıy chaty bar. Tazalyq jumystaryn tek men ǵana emes, basqa súńgýirler de júrgizedi. Jalpy, teńiz astynda negizinen tamaq qaldyqtary men plastıkalyq bótelkeler, polıetılen paketteri jıi kezdesedi. Sý astynda 8-10 metr tereńdikte jatqan qoqys tazaladym. Buǵan deıin teńiz túbin tazalaǵannan keıin, osy joly 1 qap qoqys shyqty. Barsha turǵyndy qorshaǵan ortamyzǵa qurmetpen qarap, tazalyqty saqtaýǵa shaqyramyn, - dedi Qanat Abdıev.
Súńgýir mamandyǵyna qoıylatyn qandaı talaptar bar ? Qıyn sátterde olar qalaı sheshim qabyldaıdy? Kazinform tilshisi keıipkermen onyń jumysy jaıynda oı bólisip kórgen edi.