Aqtaýlyq shahmatshy Qazaqstan tarıhyndaǵy eń jas halyqaralyq grossmeıster atandy
AQTAÝ. KAZINFORM – Aqtaýlyq Edgar Mamedov elimizdiń eń jas halyqaralyq grossmeısteri atanyp, Qazaqstannyń jańa rekordyn 14 jasynda ornatty.
Mańǵystaý oblystyq dene shynyqtyrý jáne sport basqarmasynyń habarlaýynsha, Edgar Mamedovtyń úsh grossmeısterlik upaıy men FIDE reıtıngi 2492 boldy. Qajetti 2500 upaıǵa oǵan nebári 8 upaı jetpeı qalǵan. Sondyqtan ol «Sharjah Masters International Chess Championship 2025 - A» sýper týrnırinde alǵashqy eki týrdy senimdi túrde ótkizip, jetpeıtin balldaryn jınap, resmı túrde grossmeıster ataǵyn ıedendi.
- Edgar Mamedov - 14 jasynda GM (halyqaralyq grossmeıster) ataǵyn alǵan Qazaqstannyń alǵashqy shahmatshysy. Mańǵystaý oblysynyń tarıhyndaǵy alǵashqy grossmeıster, - deıdi «Debıýt» shahmat mektebiniń dırektory Anvar Shaıhymov.
Buǵan deıin, Bıbisara Asaýbaeva áıgili grossmeıster Sergeı Karıakındi qalaı jeńgenin aıtqan bolatyn.
Astanaǵa álemniń eń myqty grossmeısterleri keldi.