Aqtaýlyq dárigerler jańa týǵan sábıden 18 santımetr isik aldy

AQTAÝ. KAZINFORM – Mańǵystaý oblystyq ana men bala ortalyǵynda óte sırek kezdesetin «teratoma» dıagnozymen náreste dúnıege keldi. Onyń quıymshaǵynda kólemi 18 santımetrlik isik bolǵan.

Bul jergilikti dárigerlerdiń tájirıbesinde buryn-sońdy bolmaǵan oqıǵa boldy. Degenmen, mamandar jańa týǵan shaqalaqqa ota jasap, isikti alyp tastady. 

- Qazirgi tańda balanyń jaǵdaıy jaqsy. Ómirine qaýip joq. Anasy ekeýi úıine shyǵaryldy. Bul jas bosanǵan ananyń besinshi júktiligi. Oǵan júktiliktiń 20-aptasynda náresteniń quıymshaǵynda isik bary aıtylǵan. Bastapqyda ota arqyly bosandyrýdy josparlaǵan. Biraq, áıel júktiliktiń 38 aptasynda tolǵatyp, tabıǵı jolmen bosandy, - deıdi balalar hırýrgi Aıbek Ǵubaıdýllaev. 

Mamandardyń aıtýynsha, «teratoma» uryqtyń damý kezinde paıda bolatyn, óte sırek kezdesetin isik. 

Buǵan deıin, Almatylyq dárigerler jańa týǵan sábıden salmaǵy 1 kg bolatyn isikti alyp tastaǵan bolatyn.