Aqtaýǵa evakýatsııalanǵan Atyraý oblysynyń turǵyndary úılerine qaıtyp jatyr
AQTAÝ. KAZINFORM – Atyraý oblysynyń Jylyoı aýdanynda bolǵan sý tasqynynan Mańǵystaýǵa evakýatsıalanǵan turǵyndardyń deni úılerine orala bastady.
Tótenshe jaǵdaı kezinde Mańǵystaý oblysynyń birneshe aýdanyna jáne Aqtaý qalasyndaǵy arnaıy evakýatsııalyq ortalyqtarǵa turǵyndar ýaqytsha ornalasqan bolatyn. Jaýapty mamandardyń aıtýynsha, qazirgi ýaqytta Aqtaý qalasy boıynsha arnaýly tórt orynda alty júzge jýyq qulsarylyq turǵyn qalǵan.
«Aqtaý qalasy aýmaǵyndaǵy evakýatsııalyq qabyldaý pýnktterinde ornalasqan adamdar sany edáýir azaıdy. Qazir oblys ortalyǵynda evakýatsııalyq qabyldaý pýnktterinde 574 adam bar», - Aqtaý qalasy ákimi apparatynyń tótenshe jaǵdaılar jáne azamattyq qorǵanys jónindegi bas ınspektory Manarbek Muhanbetov.
Osyǵan deıin Aqtaýda evakýatsııalyq ortalyqtar sany úsh esege azaıǵany aıtyldy.
Sondaı-aq, óńirde Atyraý oblysynan evakýatsııalanǵandarǵa arnalǵan qoǵamdyq kómek shtaby ashylǵan bolatyn.