Aqtaýǵa bet alǵan ushaq Shymkentke qonýǵa májbúr boldy
ShYMKENT. QazAqparat - Almatydan Aqtaý qalasyna bet alǵan SCAT áýekompanııasyna tıesili ushaq májbúrli túrde Shymkentke qondy. Oǵan borttaǵy bir jolaýshynyń aıaqasty naýqastanyp qalýy sebep bolǵan, dep habarlaıdy QazAqparat tilshisi.
Áýekompanııanyń baspasóz qyzmetiniń málimetinshe, ushaqtaǵy jaǵdaıǵa baılanysty Shymkenttiń qosymsha áýejaıyna qoný týraly sheshimdi bort komandıri qabyldaǵan.
Áýejaıda naýqas jolaýshyǵa jedel járdem qyzmeti shaqyrtylyp, alǵashqy medıtsınalyq kómek kórsetildi. Sol jerde jolaýshy kelinshek ushaqtan túsirilip, áýe kemesi Aqtaýǵa qaraı ushyp ketti.
