Aqtaýǵa 113 kapsýla esirtki jutyp kelgen Iran azamaty sottaldy
AQTAÝ. KAZINFORM — Sottalǵan azamat «Gorgan — Aqtaý» baǵyty boıynsha áýe reısimen ushyp kelip, jalpy salmaǵy 1 keliden asatyn apıyn salynǵan 113 kapsýlany jutyp alǵan.
Mańǵystaý oblysynyń qylmystyq ister jónindegi mamandandyrylǵan aýdanaralyq sotynyń úkimimen kámeletke tolmaǵan Iran azamaty esirtki kontrabandasy, sondaı-aq olardy ótkizý maqsatynda zańsyz ıemdený, saqtaý jáne tasymaldaý qylmystyq quqyq buzýshylyqtary úshin 10 jylǵa bas bostandyǵynan aıyryldy.
— Anyqtalǵany 2026 jylǵy mamyrda sottalǵan azamat «Gorgan — Aqtaý» baǵyty boıynsha áýe reısimen ushyp kelip, jalpy salmaǵy 1 keliden asatyn apıyn salynǵan 113 kapsýlany jutyp asqazanda tasymaldaǵan, bul Mańǵystaý oblysy boıynsha UQKD qyzmetkerlerimen anyqtalyp, tárkilendi, — delingen habarlamada.
Memlekettik aıyptaýdy oblys prokýratýrasy qoldady.
Úkim zańdy kúshine endi.
Aıta ketelik Ulttyq qaýipsizdik komıteti Kaspıı teńiziniń akvatorııasynda halyqaralyq esirtki arnasynyń jolyn kesken edi.
