Aqtaýdyń eń sulý arýy anyqtaldy
AQTAÝ. QazAqparat - Aqtaýda «Mıss Aqtaý-2018» baıqaýy ótip, eń sulý arý anyqtaldy, dep habarlaıdy QazAqparat tilshisi.
Baıqaý uıymdastyrýshylarynyń aıtýynsha, kastıngke 120 qyz kelgen. Onyń ishinde 20 qatysýshy iriktelip, baıqaý fınalyna joldama alǵan.
Aqyly men kórki jarasqan sulýlar 3 kezeń boıynsha saıysty. Alǵashqysy tanystyrý, ekinshi kezeńde óz ónerlerin kórsetip, úshinshi kezeńde sán úlgisin kórermen nazaryna usyndy.
Aıta keteıik, bıyl 21-ret ótkizilip otyrǵan bul sulýlyq baıqaýy tek syrtqy ádemilikti baǵalaýmen shektelmeıdi. Eń bastysy - arýlardyń tartymdylyǵy men oı-sanasyn kópshilikke kórsetý. Arýlardyń ásemdigi men kórkemdigin, tapqyrlyǵy men bilgirligin baǵalaý úshin óner, mádenıet salalarynan kelgen qazylar alqasy taǵaıyndaldy.
Baıqaý qorytyndysy boıynsha 20 arýdyń ishinen sýyrylyp shyqqan Áıgerim Káribaeva Vıtse Mıss Aqtaý atansa, al YESSENOV UNIVERSITY Teńiz akademııasynyń 2-kýrs stýdenti Dınara Sarıeva "Mıss Aqtaý 2018" ataǵyn jeńip aldy.
