Aqtaýdyń ár turǵyny jylyna 300 keli qoqys shyǵarady

AQTAÝ. QazAqparat - Qalanyń árbir turǵyny jylyna shamamen 300 keli turmystyq qatty qaldyqtar shyǵarady, dep habarlaıdy QazAqparat tilshisi.

Onyń ishinde 75% tamaq qaldyqtary, shyny, qaǵaz ben kartondy quraıdy. Jalpy, qoqys qabyldaý polıgonyna aı saıyn 2 400 m3 jýyq qoqys jınalady.

«Jalpy, qalada qoqys jınaıtyn 11 mekeme bar. Qatty turmystyq qaldyqtaryn 85% «Kaspıı Opereıtıng» JShS tazalaıdy. Al, bıyl tazalyqty qamtamasyz etý jumysyna «Tazalyq» MKK-men 439 mln teńgege kelisimshart jasaldy»,-deıdi qalalyq turǵyn-úı komýnaldyq sharýashylyǵy bóliminiń basshysy Qaırat Aqybaev.