Aqtaýdy jylýmen qamtý úshin blok-modýldi qazandyqtar ornatylady

AQTAÝ. QazAqparat - Aqtaý qalasyn jylýmen qamtý máselesin ýaqtyly sheshý úshin oblys ákimdigi qýaty 39 Gkal/saǵ (45 MVt) bolatyn 9 blok-modýldi qazandyq satyp alyp ornatýǵa oblys ákimdiginen qarajat bólindi, dep habarlaıdy QazAqparat.

Mańǵystaý oblysy ákiminiń baspasóz qyzmetinen habarlaǵandaı, búgin aımaq basshysy Nurlan Noǵaev Aqtaý qalasynda blok-modýldi qazandyqtardy ornatý jumysymen tanysqan.

– Birneshe jyldan beri qalada «MAEK-Qazatomónerkásip» kompanııasynan jetkiziletin jylý energııasy tapshylyǵy sezilýde. ıAǵnı, qýat jetkiliksiz, sondyqtan bul máseleni qandaı da bir jolmen sheshý úshin biz qýaty 5 megavatt bolatyn modýldik qazandyqtardy satyp alyp, jylý tapshylyǵy bar jerde ornatýdy sheshtik. Ótken jyly 5 qondyrǵy satyp alyndy, – deıdi «Kaspıı jylý sý arnasy» bas ınjeneri Asqar Dúzmaǵambetov.

Birinshi kezekte 4 shaǵyn aýdanda (13, 15, 28a jáne 33) 5 blok-modýldik qazandyq ornatylady.

Búgingi kúni 2 qazandyq iske qosyldy (28a shaǵyn aýdany – 1, 2, 3, 4, 5, 23 úıler, 1 balabaqsha. 33 shaǵynaýdan – 30, 31, 32 úıler, «Mańǵystaý arena» ǵımaraty jáne meshit).

Qalǵan jumys júrgizilip jatyr.

Ekinshi kezeńde 3 shaǵynaýdanda (19, 19a jáne 32a) 4 blok-modýldi qazandyq ornatylady.

Sondaı-aq 27 jeltoqsanda 17-shaǵynaýdandaǵy qoldanystaǵy qazandyqty jańǵyrtý jumysy aıaqtaldy.

Gaz qubyry qosylǵannan keıin qazandyq iske qosylady.

Qazandyqtardy ornatý nátıjesinde 50-ge jýyq kóppáterli turǵyn úı úzdiksiz jáne sapaly jylýmen qamtamasyz etiledi.

Nysandardy aralaý qorytyndysy boıynsha Nurlan Noǵaev jaýapty tulǵalarǵa birqatar naqty tapsyrma berdi.