Aqtaýdy ystyq sýmen qamtamasyz etý úshin rezervýarlarǵa sý jınalyp jatyr

AQTAÝ.QazAqparat – Aqtaý qalasyn ystyq sýmen tolyqtaı qamtamasyz etý úshin Sýmen jabdyqtaýdyń ortalyq toraby rezervýarlaryna sý jınaý protsesi júrip jatyr, dep habarlaıdy QazAqparat tilshisi.

Oblys ákiminiń birinshi orynbasary, Aqtaý qalasynyń ákimi jáne «MAEK-Qazatomónerkásip» JShS basshylyǵymen birlesip, rezervýarlardyń tolymdylyq deńgeıin tekserdi.

«Turǵyndardy ystyq sýmen qamtamasyz etýdi qalpyna keltirý úshin Sýmen jabdyqtaýdyń ortalyq toraby rezervýarlaryn toltyrý qajet. Qazir dıstıllıatsııalyq tuzsyzdandyrý qondyrǵysy tolyq jumys istemeıdi. Ol úshin rezervýarlardy sýmen toltyrý kerek. Sý kólemi tıisti deńgeıge jetkende jóndeýdi bastaımyz», - dedi Aqtaý qalasynyń ákimi E.Іzbergenov.

Sý qoımalarynyń tolymdylyǵy sý qubyrlaryn jabý arqyly artady. Qondyrǵylar sýmen toltyrylǵan kezde jóndeý jumystary júrgiziledi.