Aqtaýdyń qoǵamdyq kólikterinde jańa tólem jasaý júıesi iske qosyldy

AQTAÝ. KAZINFORM – Jańa tólem júıesi aqyly, tegin júrý, jeńildikpen tóleý protsesterin júzege asyrady, dep habarlady, dep habarlaıdy Aqtaý ákimdigi.

Búginde qala turǵyndary jolaqysyn arnaıy kólik kartalarymen tóleıdi. Bul júıe qarapaıymdylyǵymen jáne qaýipsizdigimen erekshelenip, turǵyndar tarapynan oń baǵasyn alyp úlgerdi.

— Jańa júıe – qarapaıym ári zamanaýı. Balalar avtobýstarda arnaıy qurylǵylar arqyly kartamen jolaqysyn tóleı alady, mobıldi qosymshany paıdalanýdyń qajeti joq. Sonymen qatar, ata-analar olardyń qozǵalysyn baqylap otyra alady, — deıdi Aqtaý qalasynyń turǵyny Sara Aldońǵarova.

Áleýmettik kólik kartalary múgedektigi bar adamdarǵa, kópbalaly analarǵa, «Altyn alqa» jáne «Kúmis alqa» ıelerine, qurmetti azamattarǵa, zeınetkerlerge jáne basqa da sanattaǵy turǵyndarǵa beriledi.

70 jasqa deıingi zeınetkerler jolaqyny 50% jeńildikpen tóleıdi, al 70 jastan asqandar qoǵamdyq kólikte tegin júredi.

Jeńildikpen beriletin kólik kartalaryn alý úshin 4-shaǵynaýdandaǵy №72 ǵımaratta ornalasqan Azamattardy qabyldaý ortalyǵyna barý qajet.

Barlyq turǵyndar men mektep oqýshylaryna arnalǵan tólem kartalaryn 7-shaǵynaýdandaǵy 24-úıde ornalasqan keńseden alýǵa bolady.

Osyǵan deıin Óskemende balalardyń qoǵamdyq kólikte tegin júretinin habarladyq.