Aqtaýdan Túrkııaǵa ushyp shyqqan ushaq áýejaıǵa qaıta oraldy

AQTAÝ. QazAqparat – «Aqtaý-Ystanbul» reısin oryndaǵan ushaq Aqtaý áýejaıyna qaıta qondy, dep habarlaıdy QazAqparat tilshisi.

«SCAT» áýekompanııasynyń qoǵammen baılanys bóliminiń basshysy Vıktorııa Starojılova habarlaǵandaı, bortta bolǵan bala ózin nashar sezingen. Keıin Áýe kemesiniń komandıri Aqtaý áýejaıyna qaıta oralý týraly sheshim qabyldaǵan.

«Bort jergilikti ýaqytpen saǵat 23.45-te Aqtaý halyqaralyq áýejaıyna qondy. Aqtaýǵa oralǵannan keıin jolaýshyny dárigerler kútip aldy. Reıstiń oryndalýy barlyq qajetti protsedýralar aıaqtalǵannan keıin Ystanbulǵa baǵyt aldy»,-dedi Vıktorııa Starojılova.