Aqtaýdan Dýbaıǵa tikeleı reıster qaıta ashylady

ASTANA. KAZINFORM — FlyArystan 21 qarashadan bastap Aqtaý — Dýbaı — Aqtaý baǵyty boıynsha tikeleı reısterdi qaıta jandandyrady. Ushaqtar aptasyna eki ret — seısenbi jáne senbi kúnderi qatynaıdy.

Aqtaýdan Dýbaıǵa tikeleı reıster qaıta ashylady
Foto: Kazinform

Tikeleı áýe qatynasy Mańǵystaý oblysynyń turǵyndaryna Dýbaıǵa aralyq aıaldamasyz jetýge múmkindik beredi. Qysqy maýsymda qala týrısterdi festıvalderimen, jaǵajaılarymen jáne túrli oıyn-saýyq oryndarymen qyzyqtyrady.

Dýbaıda saıahatshylar Dubai Shopping Festival saýda festıvaline, Global Village mádenı-oıyn-saýyq keshenine, Dubai Miracle Garden gúl parkine jáne Motiongate, Legoland, Real Madrid World taqyryptyq parkterine bara alady.

Qazaqstan azamattaryna Birikken Arab Ámirlikterine 30 kúnge deıin vızasyz kirýge ruqsat etilgen. Bul rette pasporttyń jaramdylyq merzimi keminde alty aı bolýy kerek.

Reıs kestesi

Seısenbi kúnderi:

  • Aqtaýdan ushý — 05:15, Dýbaıǵa qoný — 09:50;

  • Dýbaıdan ushý — 10:55, Aqtaýǵa qoný — 17:25.

Senbi kúnderi:

  • Aqtaýdan ushý — 07:20, Dýbaıǵa qoný — 11:55;

  • Dýbaıdan ushý — 13:00, Aqtaýǵa qoný — 19:30.

Ýaqyt jergilikti ýaqytpen kórsetilgen.

Áýe bıletterin FlyArystan resmı saıtynan, mobıldi qoldanbasynan jáne basqa da satý arnalary arqyly satyp alýǵa bolady. Jolaýshylar tirkeletin bagaj ben ushaqtaǵy oryndy tańdaý sııaqty qosymsha qyzmetterdi óz qajettiligine qaraı rásimdeı alady.

Eske salaıyq, buǵan deıin Atyraýdan Nókiske tikeleı áýe reısi ashylatynyn jazǵanbyz.