Aqtaýdan Astanaǵa ushqan sheteldik esinen tanyp qaldy
AQTAÝ. QazAqparat - 20 jeltoqsan kúni Aqtaý - Astana reısimen ushqan ushaq bortyndaǵy oqys oqıǵanyń egjeı-tegjeıi belgili boldy, dep habarlaıdy QazAqparat Lada.kz-ke silteme jasap.
Jolaýshylardyń biri esinen tanyp, qulaǵan, qulaǵan sátte basymen soǵylǵan.
Taǵy bir jolaýshy - dáriger Rýslan Bektibaev oǵan shuǵyl kómektesip, Astanaǵa jetkenshe qasynda bolǵan.
Kýágerlerdiń sózine qaraǵanda, shetel azamaty arterıaldyq qan qysymynyń kút tómendeýinen esinen tanǵan. Bortserikter men birge kómekke kelgen dáriger ushaqtaǵy kerek-jaraqty qoldana otyryp, kómek kórsetken.
Zardap shegýshi elordaǵa jetkenge deıin esin jıdy. Astana jedel járdem brıgadasy teksergen soń, ary qaraı ózdigimen kete bardy.
Aıta keteıik, jolaýshyǵa kómek kórsetken Rýslan Bektibaev - Mindetti medıtsınalyq saqtandyrý qorynyń Mańǵystaý fılıalynyń dırektory.
