Aqtaýdan Almatyǵa mas kúıinde ushpaq bolǵan jolaýshy ushaqtan túsirildi

AQTAÝ.QazAqparat – «Aqtaý-Almaty» baǵyty boıynsha ushqan jolaýshy reısten shyǵaryldy, dep habarlaıdy QazAparat tilshisi.

Bul týraly «SCAT» áýe kompanııasynyń baspasóz qyzmeti habarlaıdy. Oqıǵa keshe 15 naýryzda bolǵan.

«SCAT» áýe kompanııasynyń baspasóz qyzmetiniń málimetinshe, «Aqtaý-Almaty» baǵytyndaǵy reıstiń jolaýshysy mas bolǵan.

«Ol dóreki minez kórsetti. Ekıpaj múshelerine beıádep sózder aıtyp, olardy qorqytqan. Jolaýshyǵa eki ret eskertý jasaldy. Úshinshi ret komandır ushý jolaǵynan turaqqa oralý týraly sheshim qabyldady jáne jolaýshy reısten shyǵaryldy», - delingen «SCAT» áýe kompanııasynyń baspasóz qyzmeti taratqan habarlamada.