Aqtaýdaǵy jarylys: Jaraqat alǵandardyń jaǵdaıy jaqsaryp keledi
ASTANA. QazAqparat - Aqtaýdaǵy jarylys kezinde jaralanǵan úsh adam kóp uzamaı jalpy palataǵa aýystyrylady, dep habarlaıdy «Habar 24».
Bul týraly óńirlik densaýlyq saqtaý basqarmasynyń baspasóz hatshysy Azamat Sársenbaev habarlady.
Aqtaýdaǵy metall qabyldaıtyn baza aýmaǵynda jarylys bolyp, eki adam qaza bolǵanyn habarlaǵan edik. Al aýrýhanaǵa jetkizilgen úsh azamattyń jaraqattary aýyr delingen.
Dárigerler qazir naýqastardyń beti beri qaraǵanyn aıtyp otyr. Olardyń ómirine tónip turǵan qaýip joq.
«Jaraqat alyp, mıy shaıqalǵan bir adam aýrýhanaǵa aýyr jaǵdaıda tústi. Qazirgi tańda beti beri qarady. Tolyq qalpyna kelgenshe dárigerlerdiń baqylaýynda bolady. Qalǵan eki jigittiń de ómirine qaýip tónip turǵan joq», - deıdi óńirlik densaýlyq saqtaý basqarmasynyń baspasóz hatshysy Azamat Sársenbaev.
Mamannyń aıtýynsha, 2-3 kúnnen soń olar ambýlatorııalyq emdeý palatasyna aýystyrylady.
