Aqtaýdaǵy jappaı tóbeles kezinde jas jigitti pyshaqtap ketti

NUR-SULTAN. QazAqparat – Aqtaýdaǵy bir top jigit tóbelesip, onda jas jigit pyshaqtan jaralanǵan. Bul týraly lada.kz saıty jazdy.

Oqıǵa 4 tamyzǵa qaraǵan túnde, 4-shaǵyn aýdandaǵy №3 úıdiń aldynda bolǵan. Mańǵystaý oblysynyń Polıtsııa departamenti jáne Densaýlyq saqtaý basqarmasy oqıǵa jaıly tolyqqandy aqparat berdi.

4 tamyzǵa qaraǵan túnde Aqtaý polıtsııa basqarmasynyń kezekshi bólimine bir top adamnyń tóbelesi týraly habar kelip túsken. Oqıǵa ornyna polıtsııa jasaǵynyń 10 kóligi attanǵan.

Eki jas jigit sózge kelip qalǵan. Saldarynan onyń biri qarsylasynyń keýde tusyna pyshaq suǵyp alǵan.

Kúdikti sol kúni anyqtalyp, ustaldy.

Qazir QR Qylmystyq kodeksiniń 106-baby («Densaýlyqqa qasaqana aýyr zııan keltirý») 1-bóligi boıynsha sotqa deıingi tergep-tekserý júrip jatyr. Kúdikti aıypty dep tanylǵan jaǵdaıda úsh jyldan jeti jylǵa deıingi merzimge bas bostandyǵynan aıyrylýy nemese sol merzimge bas bostandyǵy shektelýi múmkin.

Pyshaqtan jaralanǵan jas jigitti jedel járdem Mańǵystaý oblystyq aýrýhanasyna jetkizgen. Dárigerler ota jasap, jigitti ajaldan arashalap qaldy.