11:40, 11 Qazan 2020 | GMT +5
Aqtaýdaǵy janarmaı beketinde turǵan kólik órtenip ketti
AQTAÝ. QazAqparat - Aqtaýdaǵy «Prıozernyı-3» kentindegi janarmaı quıý beketteriniń birinde kólik órtenip ketti. Kólik ıesi mas kúıinde bolǵan, dep habarlaıdy QazAqparat tilshisi Mańǵystaý oblysy boıynsha Tótenshe jaǵdaılar departamentine silteme jasap.
Departamenttiń habarlaýynsha, oqıǵa keshe túngi 9-dar shamasynda bolǵan.
«Prıozernyı-3» kentindegi janarmaı quıý beketinde «Lexus RX-300» markaly avtokóliktiń túgi qalmaı órtenip ketken.
«Mashına tolyǵymen janyp ketti. Kýágerler jarylys sátin vıdeoǵa túsirdi. Oqıǵa saldarynan mas kúıinde bolǵan kólik ıesi zardap shekken. Órt 21:16-da sóndirildi»,- dedi TJD bastyǵynyń orynbasary Bekbolat Ábdiqadyrov.