Aqtaýdaǵy jaǵajaıda jasóspirim sýǵa batyp ketti

NUR-SULTAN. QazAqparat - Aqtaýdaǵy jaǵajaıda jasóspirim sýǵa batyp ketti. Bul týraly Lada.kz basylymy jazdy, dep habarlaıdy QazAqparat.

Reanımatologtar qansha áreket jasasa da, ony ajaldan aman alyp qala almady. Onyń denesin polıtseıler máıithanaǵa jetkizgen.

Oqys oqıǵa 30 maýsym kúni keshkisin bolǵan. Sýǵa túsken úsh bozbala jaǵajaıdan alshaqtap ketken. Olardyń biri jaǵaǵa júzip kelip, týystaryna eki joldasynyń sýǵa batyp bara jatqanyn jetkizgen. Jaǵajaıdaǵylar kómekke asyǵa attandy. Jasóspirimderdiń birin taýyp, jedel járdem kóligimen aýrýhanaǵa jibergen.

Al ekinshisin tabý úshin izdeý jumystary uzaq júrgizilgen. Tek keshki 19:50 shamasynda qutqarýshylar onyń denesin sýdan alyp shyqty.