Aqtaýdaǵy turǵyn úılerdiń birinen áıel adamnyń máıiti tabyldy
AQTAÝ. QazAqparat - Aqtaýdaǵy 5-shaǵynaýdandaǵy turǵyn úılerdiń birinen áıeldiń denesi tabyldy. Bul týraly Mańǵystaý oblystyq polıtsııa departamentiniń baspasóz qyzmeti habarlady.
Áıeldiń máıiti tabylǵandyǵy týraly aqparatty aıtyp, bireý polıtsııaǵa 25 sáýirde saǵat 22:30-da qońyraý shalǵan.
Departamenttiń baspasóz qyzmeti habarlaǵandaı, máıit 5-shaǵynaýdandaǵy úılerdiń biriniń páterinen tabyldy.
«Atalǵan fakti boıynsha Qazaqstan Respýblıkasy Qylmystyq kodeksiniń 99-baby «Adam óltirý» boıynsha qylmystyq is qozǵaldy. Sot-medıtsınalyq saraptama taǵaıyndaldy»,-dep tolyqtyrdy baspasóz qyzmeti.
Qazirgi ýaqytta polıtsııa kúdiktini ustaý boıynsha sharalar qabyldaýda.
