Aqtaýdaǵy turǵyn úıdiń kireberisinde jabaıy túlki vıdeoǵa túsirildi

AQTAÝ. QazAqparat – Janýar Aqtaýdaǵy kóp páterli turǵyn úıdiń kireberisinde tabyldy, dep habarlaıdy QazAqparat Lada.kz saıtyna silteme jasap.

Jabaıy túlkini 6 naýryzda tańǵy 6-da 36 shaǵyn aýdandaǵy «Sandyqtas» turǵyn úıiniń turǵyndary baıqaǵan. Onyń kireberiske qalaı kirgendigi belgisiz.

Vıdeoda jabaıy ańnyń shyǵarǵa jol tabý maqsatymen qabyrǵalarǵa órmelep jatqandyǵy kórinedi. Vıdeojazbanyń avtorlary túlkini dalaǵa shyǵaryp jiberdi.

Bul jaǵdaı týraly «Eko Mańǵystaý» úkimettik emes uıymynyń basshysy Kırıll Osın óz pikirin bildirdi.

«Túlkini bireýdiń úıinde ustaýy, onyń qashyp shyǵýy nemese arnaıy jiberilýi múmkin emes. Eger bul shetki turǵyn úı bolsa, onyń túzden azyq izdep kelýi yqtımal», - degen oıda Kırıll Osın.