Aqtaýdaǵy tóbeles: Pyshaqtalǵan eki stýdent aýrýhanaǵa tústi
ASTANA. QazAqparat - Aqtaýda birneshe kolledjdiń stýdentteri tóbelesip, eki jas jigit oblystyq aýrýhanaǵa tústi, dep habarlaıdy Lada.kz.
Bul týraly Mańǵystaý oblysy bilim basqarmasyna qarasty tárbıeleý bóliminiń basshysy Quralaı Gazımova málim etken.
«Túrli kolledjderde oqıtyn on shaqty stýdent 11 jeltoqsan kúni tóbelesken. Oqıǵa saldarynan eki jas jigit Mańǵystaý oblystyq aýrýhanasyna tústi», - deıdi Quralaı Gazımova.
Bilim basqarmasynyń mamandary quqyq qorqaý organdarynyń qyzmetkerlerimen birlese kolledjderdiń dırektorlarynan, ata-analardan bolǵan jaıdy anyqtap bildi.
«Іs kámelettik jasqa tolmaǵan jasóspirimderdiń isimen aınalysatyn komıssııaǵa berildi. Ary qaraı QR Ákimshilik quqyq buzýshylyq týraly kodeskiniń 127-baby (Ata-ananyń nemese basqa da zańdy ókilderdiń balalardy tárbıeleý jónindegi mindetterdi oryndamaýy) boıynsha ata-analar jaýapqa tartylady.
Sondaı-aq, bilim basqarmasy bul iske qatysty QR QK 106-baby (Densaýlyqqa qasaqana aýyr zııan keltirý) boıynsha tergeý júrgizilip jatqanyn habarlady.
