Aqtaýdaǵy teńiz jaǵalaýynda kóshpeli vaktsınatsııa pýnkti ashyldy
Kaspıı jaǵasynda ashylǵan pýnktke kelip vaktsına jaıynda tolyq aqparat alýǵa bolady. Jańadan jumys isteı bastaǵan ekpe pýnkti 23-25 sáýir aralyǵynda saǵat 17:00-den 00:00-ge deıin jumys isteıdi.
Qala turǵyndary dáriger tekserýinen ótip, ekpe alady.
«Teńiz jaǵalaýynda ashylǵan kóshpeli ekpe pýnktinen tegin vaktsına alýǵa múmkindik bar. Medıtsınalyq keshen ishinde tolyqtaı sanıtarlyq talaptarǵa saqtaı otyryp vaktsınatsııa júrgizýge jaǵdaı jasalǵan», - dedi «ıAsın» medıtsınalyq ortalyǵynyń terapevt dárigeri.
Pýnkt ashyla salysymen vaktsına alýǵa nıetti jandar tabyldy.
«Men ózimniń shyn nıetimmen osy vaktsınany alaıyn dep keldim. Vaktsınatsııa týraly kóptegen dostarymnyń oń pikirin tyńdap, kózimdi jetkizip baryp ózimniń ómirimdi saqtandyraıyn dep aldym. Barlyq jerlesterimdi vaktsına alýǵa shaqyramyn»,- dedi qala turǵyny Bıbigúl Ramazanova.
Aldaǵy ýaqytta kóshpeli medıtsınalyq kólik aýyldyq jáne shalǵaı eldi meken turǵyndaryna vaktsınatsııa júrgizý úshin jiberiledi. Medıtsınalyq kólik aýyl turǵyndaryn vaktsınamen qamtamasyz etýge baǵyttalady.
Aıta keteıik, oblys ortalyǵynda birneshe jerde kóshpeli egý pýnktteri jumys istep tur.