Aqtaýdaǵy sot protsesi jábirlenýshi retinde tanylǵan polıtsııa qyzmetkerlerin tyńdaýmen odan ári jalǵasty
AQTAÝ. 5 cáýir. QazAqparat. - Aqtaýda Jańaózendegi oqıǵalarǵa qatysty búgingi kezekti sot otyrysy zań talaptaryna saı taǵaıyndalǵan ýaqytynda bastaldy.
Sot otyrysy zalyna protseske qatysýshylar, sottalýshylardyń týystary men halyqaralyk, respýblıkalyq jáne jergilikti qoǵamdyq uıymdardyń ókilderi kirgizildi.
Sot protsesi jábirlenýshi retinde tanylǵan polıtsııa qyzmetkerlerin tyńdaýmen odan ári jalǵasty. Atalmysh tulǵalar qoǵamdyq tártipti saqtaý úshin Jańaózen qalasynyń bas alańyna baryp, ol jerdegi oryn alǵan tártipsizdik kezinde túrli deńgeıde zaqym alyp, jábirlenýshi retinde tanylǵan.
Jábirlenýshiler óz sózinde Jańaózen qalasynda oryn alǵan tártipsizdikter barysynda quqyq qorǵaý organynyń ókili retinde azamattardyń ómiri men densaýlyǵyn saqtaý úshin árekettengendigine basa nazar aýdardy.
Sot otyrystary QR zańnamasy talaptaryna saı ótýde.
Búgingi kúni sot protsesinde 13 jábirlenýshiden jaýap alyndy.
Kelesi sot otyrysy erteń saǵat 10.00-ge taǵaıyndaldy.
