Aqtaýdaǵy «Shora» kanalynyń boıyna qorshaý ornatyldy

AQTAÝ. QazAqparat - Aqtaý qalasy ákiminiń tapsyrmasyna saı qaladaǵy «Shora» kanalynyń qaýipti degen aýmqtaryna 100 metr qorshaý ornatyldy, dep habarlaıdy QazAqparat tilshisi.

Buryn «Shora» sý kanalynyń eki jaǵynda 300 metrden jalpy uzyndyǵy 600 metrdi quraıtyn qorshaý bolǵan.

«2018 jyldyń 30 mamyrynda Mańǵystaý oblysy máslıhatynyń N19/236 sheshimimen «Shora» sý kanalynyń aýmaǵy sýǵa túsýge tyıym salynǵan aımaq bolyp belgilendi. Osy sheshim negizinde qala ákimdigi teńizge kelýshilerdiń qaýipsizdigin qamtamasyz etý maqsatynda 2018 jyly «Shora» sý kanalynyń eki mańyna taǵy 260 metr qorshaý ornatty»,-dep habarlady Aqtaý ákimdigi.

Tótenshe jaǵdaı departamentiniń málimetinshe, «Shora» kanalynyń qaýipti aımaq ekeni belgilenip, sýǵa týsýge bolmaıtyny jazylsa da, adamdardyń shomylýy tyıylmaı tur.

«Kanalda sý ıirimi bar. Sonyń saldarynan qanshama adam sýǵa ketti», -deıdi qutqarýshylar.

Jalpy, jyl basynan beri oblysta 5 adam sýǵa ketken.