Aqtaýdaǵy ónerkásiptik qoımadan órt shyqty
ASTANA. QazAqparat - Aqtaý qalasynda ónerkásiptik qoımalardyń birinen órt shyqty, dep habarlaıdy QazAqparat tilshisi QR ІІM TJK resmı ókili Nursultan Nurahmetovke silteme jasap.
«4 jeltoqsan kúni saǵat 02:10 shamasynda Aqtaý qalasyndaǵy ónerkásip aýmaǵynda órt shyqqany týraly habarlama kelip tústi. Belgili bolǵandaı, jalpy aýdany 2500 sharshy metr bolatyn tas tóseýish qoımanyń shatyry men ishindegi tuǵyryqtar, bos qoraptar otqa oranǵan», - delingen komıtettiń habarlamasynda.
Aldyn ala málimet boıynsha, tilsiz jaý qoımanyń 1600 sharshy metrin alyp ketken.
«Órt 05:15 kezinde aýyzdyqtalyp, 06:19-ǵa qaraı óshirilgen. Zardap shekkender men jaraqat alǵandar joq. Órttiń sebebi anyqtalyp jatyr. Tilsiz jaýdy aýyzdyqtaýǵa Mańǵystaý oblysy tótenshe jaǵdaılar departamentiniń jeke quramynan 9 adam men 9 arnaıy tehnıka jumyldyryldy», - dep habarlaıdy Nursultan Nurahmetov.
