Aqtaýdaǵy ólketaný mýzeıine 9 metrlik ıhtıozavrdyń qańqasy tapsyryldy
Bul týraly jergilikti áýesqoı paleontolog Vladımır ıArtsev Instagram paraqshasynda jazdy, dep habarlaıdy QazAqparat.
«Qańqany asa kúrdeli preparattaý jumysyn Qazan ýnıversıteti paleontologııa kafedrasynyń aspıranty Jámıla ıAkýpova júrgizdi. Onyń ózi de qazba jumystaryna qatysqan bolatyn. Uzyndyǵy toǵyz metr keletin qańqa bıyl 25 mamyrda Mańǵystaý oblysynyń Tuşybek kentiniń mańynan tabyldy», - dep jazdy Vladımır ıArtsev.
lada.kz basylymynyń jazýynsha, oblystyq tarıhı-ólketaný mýzeıiniń mamandary jýyq arada ıhtıozavrdyń qańqasyn jurtshylyqtyń nazaryna usynatynyn málimdegen.
Ejelgi sý janýarynyń qaldyqtaryn Vladımır ıArtsevtiń ózi tapty. Qańqanyń omyrtqa jotasyna, qalyńdyǵyna, dıametrine qarap áýesqoı paleontolog 110-100 mıllıon jyl buryn ómir súrgen Alb ıarýsynyń ıhtıozavryna tıesili bolýy múmkin dep boljaıdy. Reseılik áýesqoı paleontologtar da onyń osy pikirin qoldap otyr.
