Aqtaýdaǵy kremnıı zaýytynyń qurylysy týraly aqparat jalǵan bolyp shyqty
ASTANA. QazAqparat - Áleýmettik jelide kremnıı zaýytynyń qurylysy týraly aqparat tarap jatyr. Mańǵystaý oblystyq ındýstrıaldyq-ınnovatsııalyq damý basqarmasy aqparatty rastaǵan joq, dep jazady «Lada» basylymy.
Habarlamada mamyrda qytaılyq kásipkerlerdiń kremnıı zaýytyn salýdy bastaıtyny aıtylǵan. Onyń avtorlarynyń sózine qaraǵanda, bul qala turǵyndarynyń densaýlyǵynyń nasharlaýyna jáne qorshaǵan ortanyń lastanýyna ákep soǵady.
Mańǵystaý oblystyq ındýstrıaldy-ınnovatsııalyq damý basqarmasy bul habarlamaǵa túsinik berdi.
«Bul jalǵan aqparattardyń biri. Ondaı joba joq», - dedi oblystyq ındýstrıaldyq-ınnovatsııalyq damý basqarmasy basshysynyń orynbasary mindetin atqarýshy Tilegen Edigeev.
