Aqtaýdaǵy kontsertte 200-den astam bala adasyp qalǵan

AQTAÝ. QazAqparat – Aqtaýda ótken kontsertte polıtseılerge 200-den astam balanyń adasyp ketkeni týraly habarlama túsken. Bul týraly Mańǵystaý oblystyq Polıtsııa departamentiniń baspasóz qyzmetinen málim etti, dep habarlaıdy QazAqparat tilshisi.

Óńirdegi iri munaı kompanııasy mereıtoıyna oraı 30 tamyz kúni teńiz jaǵalaýyndaǵy amfıteatrǵa kontsert ótkizgen. Respýblıkaǵa tanymal ánishiler óner kórsetken kontsertti tamashalaýǵa barǵandardyń qatary kóp bolǵan. Іs-sharany kórýge barǵan 200-den astam balanyń adasyp qalǵany týraly polıtseılerge habarlama tústi.

«Qaýipsizdikti qamtamasyz etý maqsatynda is-sharaǵa 300-ge jýyq polıtsııa qyzmetkeri jumyldyryldy. Balalardyń joǵalǵany týraly kelip túsken ótinishterdiń jalpy sany – 200. Adasyp ketken balalardyń eń kishisi 3-te, úlkeni 15 jasta boldy. Olardyń barlyǵy tabylyp, at-analaryna aman-saý tapsyryldy. Aýa raıynyń salqyndaýyna baılanysty jetkinshekter tońyp qalmaý úshin avtobýspen jaqyn mańdaǵy ýchaskelik polıtsııa bólimine jetkizildi. Balalardy izdep, tabý 15 mınýttan 1 saǵatqa deıingi ýaqytty aldy», - delingen baspasóz málimetinde.