Aqtaýdaǵy kolonııada eki adam óz-ózine qol jumsady
Bul týraly Qylmystyq-atqarý júıesi komıtetiniń baspasóz qyzmeti habarlady.
«21 sáýirde Mańǵystaý oblysy boıynsha qylmystyq-atqarý júıesi departamentiniń qaýipsizdigi barynsha joǵary «GM-172/6» mekemesinde eki sottalǵan azamat qasyqtyń sabyn jutyp, deneni zaqymdaý aktisin jasady. Olar óz áreketterin qamaýda ustaý rejımine narazylyq bildirý dep túsindirdi. Mekeme qyzmetkerleri dereý alǵashqy medıtsınalyq kómek kórsetip, jedel járdem brıgadasyn shaqyrdy. Qazir sottalǵandardyń densaýlyq jaǵdaıy qanaǵattanarlyq», - dep jazady komıtettiń baspasóz qyzmeti.
Resmı aqparatta atalmysh eki azamattyń buryn da sotty bolǵany aıtylǵan. Bul joly Qylmystyq kodekstiń 191-babynyń 2-bóligi (tonaý) jáne 99-babynyń 2-bóligi (kisi óltirý) boıynsha jazalaryn óteýde.
«Atalǵan oqıǵa boıynsha qyzmettik tekserý bastaldy. Tekserýge departamenttiń mamandarymen birge qoǵamdyq-baqylaý komıssııasy da tartylmaq.
«GM-172/6» mekemesinde sottalǵandardyń 96% aýyr jáne asa aýyr qylmystar úshin jazasyn ótep jatyr. Ádette, munda tirkeletin óz-ózine qol jumsaý áreketteriniń kóbi bopsalaý nıetimen jasalady. Sýıtsıdtik maqsatpen jasalmaıdy. Keıbir jaǵdaılarda ózine zııan keltirý arqyly mekeme ákimshiliginiń zańdy talaptaryn oryndaýdan jaltarýdyń osyndaı tásil qoldanylady», - delingen komıtettiń resmı dereginde.