Aqtaýdaǵy keıbir shaǵynaýdandarda birneshe kún jaryq bolmaıdy

AQTAÝ. QazAqparat – Aqtaýdyń keıbir shaǵynaýdandarynda birneshe kún ýaqytsha jaryq bolmaıdy. Óıtkeni baǵanalardy aýystyrý jumystary júrip jatyr, dep habarlaıdy QazAqparat tilshisi.

Aqtaýda Shyǵys-2 shaǵynaýdanynda saǵat 9:00 men 18:00 aralyǵynda baǵanalardy aýystyrý jumystary júrgizilip jatyr. Sol sebepti jaryq óshiriledi.

«Shyǵys-2 shaǵynaýdanynda jol qıylystarynda syrtqy jaryq shamdarynyń shekti baǵanalary avtokóliktiń burylýyna keri áserin tıgizip tur. Jobaǵa sáıkes kelmeıdi. Sol sebepti «AÝES» MKK mekemesimen jáne bizdiń merdigermen birge syrtqy jaryqsham baǵanalaryn kóshirý jumystary júrgizilip jatyr. Atalǵan jumystar tańǵy 9-dan keshki 18:00-ge deıin júrgiziledi. Bul rette kúnine 3-4 saǵatqa sónýi múmkin. Jaryq aldaǵy 3-4 kún óshedi», – dedi Aqtaý qalalyq jolaýshylar kóligi jáne avtomobıl joldary bóliminiń bas mamany Elnur Qoıanbaı.