Aqtaýdaǵy «Qazaqtelekom» AQ fılıalynyń ǵımaratynda órt boldy, 7 adam qaýipsiz aımaqqa kóshirildi - QR TJM
ASTANA. 3 qazan. QazAqparat - Aqtaýdaǵy «Qazaqtelekom» AQ fılıalynyń ǵımaratynda bolǵan órttiń saldarynan 7 adam qaýipsiz aımaqqa kóshirildi, dep habarlandy QR TJM-niń baspasóz qyzmetinen.
Aqtaý qalasynda 1 qazanda «Qazaqtelekom» AQ fılıalynyń ǵımaratynda tehnıkalyq paıdalaný ortylyǵynyń zalynda, júıeli-abonettik zaly men №31 avtomatty telefon stansasynyń mekemesinde órt boldy, jalyn sharpyǵan aýmaq 500 sharshy metrdi qurady, 7 adam qaýipsiz aımaqqa kóshirildi. Tótenshe jaǵdaıdyń saldarynan 1955 jylǵy er adam ıis tıip ýlandy, ol aýrýhanada medıtsınalyq kómek kórsetilgennen keıin úıine jiberildi. Tilsiz jaýdy aýyzdyqtaýǵa QR TJM Mańǵystaý oblysy boıynsha TJD órtke qarsy qyzmetiniń 45 adamy men 8 tehnıkasy, QR TJM «AMO» MM-niń 2 adamy men 1 tehnıkasy jumyldyryldy.
Sol kúni Aqtóbe qalasynda burynǵy oblystyq tutynýshylar odaǵynyń bazasynda «Kagazy recycidg» JShS-niń makýlatýra qoımasy men «Batysqazóńir» JShS-niń jıhaz daıyndaýǵa arnalǵan materıaldary janyp ketti. Jalyn 700 sharshy metr aýmaqty joıdy. Qaza bolǵandar men zardap shekkender joq. Tótenshe jaǵdaıdy aýyzdyqtaýǵa QR TJM Aqtóbe oblysy boıynsha TJD órtke qarsy qyzmetiniń 26 adamy men 8 tehnıkasy, QR QM Áýe qorǵanysy kúshteri áskerı ınstıtýtynyń 2 adamy men 1 tehnıkasy, «Aqtóbe ferroqorytpa zaýyty» AQ-nyń 3 adamy men 1 tehnıkasy jumyldyryldy.
Kókshetaý qalasynda 1 qazanda Kovalevskaıa, 92-a kóshesiniń boıynda ornalasqan jeke menshik úıdiń ashanasy órtendi. Jalyn sharpyǵan aýmaq 12 sharshy metrdi qurady. Órtti sóndirý kezinde 1964 jylǵy er adamnyń máıiti tabyldy. Jalynmen kúreske QR TJM Aqtóbe oblysy boıynsha TJD órtke qarsy qyzmetiniń 5 adamy men 1 tehnıkasy jumyldyryldy.
