Aqtaýdaǵy kásipqoı boks keshinde 3 qazaqstandyq rıngke shyǵady

NUR-SULTAN. QazAqparat – Qazaqstandyq 3 kásipqoı boksshy 11 maýsymda Aqtaýda ótetin keshte jekpe-jek ótkizedi, dep habarlaıdy QazAqparat áleýmettik jelidegi «Qazaqstannyń kásipqoı boksy» paraqshasyna silteme jasap.

Olardyń biri – áýesqoı boksta álem chempıony bolǵan Bekzat Nurdáýletov. Ol buǵan deıin kásipqoı rıngte 4 kezdesý ótkizdi. Olardyń barlyǵynda jeńiske jetti, ekeýi merziminen buryn aıaqtaldy. 11 maýsymǵa josparlanǵan Aqtaýdaǵy boks keshinde B.Nurdáýletov 8 raýndtyq jekpe-jekte argentınalyq Dýrval Elıas Palasıomen (9-2, 6KO) judyryqtasady.

Atalǵan boks keshiniń taǵy bir mańyzdy oqıǵasy – qazaqstandyq Bekman Soılybaevtyń meksıkalyq Tomasa Rohasqa (52-20-1, 34KO) qarsy jekpe-jegi. Kezdesý 10 raýndqa eseptelgen.

Al keshtiń basty jekpe-jeginde qazaqstandyq Meıirim Nursultanov (16-0, 9KO) ózine tıesili WBO International-dyń orta salmaqtaǵy álem chepıony beldigin qorǵaıdy. Onyń qarsylasy – argentınalyq Sebastıan Orasıo Papeskı (18-3, 6KO).