Aqtaýdaǵy boks keshinde 8 qazaqstandyq jekpe-jek ótkizedi

NUR-SULTAN. QazAqparat – 5 aqpan kúni Aqtaý qalasynda kásibı boks keshi ótedi. Keshtiń basty jekpe-jeginde orta salmaqtaǵy qazaqstandyq boksshy Meıirim Nursultanov (15-0, 8KO) Reseı sportshysy Andreı Sırotkınmen (19-1-1, 7KO) kezdesedi. Bul týraly QazAqparat VKontakte áleýmettik jelisindegi «Qazaqstannyń kásibı boksy» paraqshasyna silteme jasap habarlaıdy.

Qarsylastar orta dıvızıondaǵy WBO International-dyń bos tıtýlyna talasady. Sondaı-aq jarysqa Qazaqstan, Taıaý jáne Qıyr shyǵystyń ózge de boksshylary qatysady.

Kesh kórermenderi Nursultanov-Sırotkın jekpe-jeginen basqa kelesi aıqastardy tamashalaı alady:

- Bekzad Nurdáýletov (3-0, 1KO) – Chıko Kýası (Nıderlandy, 5-0-1, 2KO), jartylaı aýyr salmaqta WBO-dyń jastar arasyndaǵy álem chempıony tıtýly;

- Bekman Soılybaev (12-1, 4KO) – Elıot Chaves (Meksıka, 10-3-1, 6KO), ekinshi jartylaı aýyr salmaq;

- Saparbaı Aıdarov (6-0, 2KO) – Ragım Álıev (Ázerbaıjan, 2-0, 2KO), orta salmaq;

- Arman Nurasylov (2-0, 1KO) – Ilıa Medıanık (2-0-1, 0KO), ekinshi orta salmaq. ⠀

- Samat Jetibaev (1-0, 1 KO) – Altaı Qylyshbaı (1-1, 0KO), eń jeńil salmaq. ⠀

- Qydyráli Murat (0-1) – Bogdan Ýtegenov (Ózbekstan, debıýt), birinshi jartylaı orta salmaq;

- Joldas Jeńgisov (1-0, 1KO) - Aıdos Tastaev (1-2, 1KO), ekinshi jartylaı orta salmaq .

⠀