Aqtaýdaǵy bala ólimi: Dárigerler tamaq pen ydystan qaýipti patogen tapty
AQTAÝ. QazAqparat - Keshki astan keıin ýlanǵan otbasynyń páterindegi azyq-túlikter, sonyń ishinde shujyqtan ishek taıaqshalary bakterııasy men basqa da ınfektsııalar anyqtaldy. Bul týraly Aqtaý qoǵamdyq densaýlyq saqtaý basqarmasy basshysynyń orynbasary Asıma Turdıeva málim etti, dep habarlaıdy lada.kz.
Tamaqtan ýlanyp, aýrýhanaǵa jetkizilgen otbasynyń úıinde saqtalǵan azyq-túlikter, sonyń ishinde shujyq buzylyp ketken. Asıma Turdıevanyń aıtýynsha, olar tutynýǵa jaramsyz bolǵan.
Zerthanalyq zertteýge áketilgen «Krakov» shujyǵynan ishek taıaqshalary bakterııalary men patogendik stafılokokk jáne enterobakter tabyldy. Pisirilgen makarondar da ishek taıaqshalary tobyndaǵy bakterııalar bar, sondaı-aq qurǵaq sútten de ishek taıaqshalary bakterııalary men stafılokokk aýreýs tabyldy. Osynyń saldarynan taǵamdyq toksıkoınfektsııaǵa shaldyqty», - dep atap ótti Asıma Turdıeva.
Ydystardan da bakterııalar tabylǵan.
«Ydys, eden, barlyq ydys-aıaq jabdyqtarynan ishek taıaqshalarynyń bakterııalary tabylǵan. ıAǵnı ydys-aıaq jýylmaǵan jáne bul da taǵamdyq toksıkoınfektsııanyń bir faktory sanalady», - dep málimdedi dáriger.
Basqarmada atap ótkendeı, balalardyń birine shuǵyl em qajet.
«Odan stafılokokk aýreýs, streptokokk pıogenes jáne jalǵanmanas tabyldy. Bala aýrýǵa shaldyqqan jáne oǵan em qajet», - dedi Asıma Turdıeva.
Eske salaıyq, úsh jasar bala shujyqtan ýlanyp, dárigerler kelgenge deıin úıinde qaıtys boldy. Aýrýǵa shaldyqqandar ishinde tórt bala men eki eresek adam bar.
