Aqtaýdaǵy azyq-túlik satatyn iri saýda oryndarynyń jumys rejımi ózgerdi

AQTAÝ. QazAqparat - Aqtaý qalasyndaǵy azyq-túlik satatyn iri saýda oryndarynyń jumys ýaqyty qysqardy, dep habarlaıdy QazAqparat tilshisi.

Bul týraly Mańǵystaý oblysynyń Qoǵamdyq kommýnıkatsııa ortalyǵynda ótken brıfıngide oblystyq Іshki saıasat basqarmasynyń basshysy Erjan Kúmisqalıev málimdedi.

QR Memlekettik Bas sanıtarynyń 2020 jyldyń 14 sáýir kúngi №33 qaýlysyna sáıkes, oblystyq shtabtyń sheshimimen jáne saýda oryndary basshylyǵynyń kelisimimen Aqtaý qalasynyń epıdemıologııalyq jaǵdaıyn turaqty ustaý maqsatynda kelesideı iri saýda oryndarynyń jumys rejımine ózgerister engiziledi:

1. Aqtaý qalasyndaǵy azyq-túlik satatyn iri saýda oryndary, atap aıtqanda:

- «Dına» gıpermarketi (33 sh/a), 17.04.2020 bastap, 9:00 – 17:00 aralyǵynda qyzmet etedi;

- «Anvar» gıpermarketi (Shyǵys-2 sh/a) 17.04.2020 bastap, kúndelikti saǵat 9:00 – 17:00 aralyǵynda qyzmet etedi;

- «Asar-S» bazarynyń jumys ýaqyty 18.04.2020 jyldan bastap, saǵat 6:00 – 11:00 aralyǵynda belgilenedi;

- «Maǵash bazarynyń («Sary» bazar) jumysy 20.04.2020 jyldan bastap, ýaqytsha toqtatylady.»

Al qalǵan azyq-túlik dúkenderi burynǵy rejıminde jumystaryn jalǵastyrady.

2. Aqtaý qalasyndaǵy iri jáne orta kásiporyndar men mekemelerdiń qyzmettik avtokólikteriniń sany 50%-ǵa deıin qysqartylady.

3. Ruqsat berilgen taksı qyzmetinde jumys jasaıtyn kóliktiń sany 50%-ǵa qysqartylady.