Aqtaýdaǵy aýrýhanaǵa jaraly kúıi jetkizilgen jigit esin jınady
AQTAÝ. QazAqparat - Mańǵystaý oblystyq aýrýhanasynyń naýqastardy qabyldaý bólimine 3 qańtar kúni mashınamen jetkizilgen jaraly jigit esin jınady, dep habarlaıdy «QazAqparat» HAA tilshisi.
«Naýqas ózine keldi, esin jınady, qazir neırohırýrgııa bóliminde. Jaǵdaıy qalypty. Jabyq bas mıynyń jaraqaty men bas mıynyń shaıqalǵany, oń jaq jambasyna pyshaq tyǵylǵany anyqtaldy, basqa zaqymdary joq. Jaralary tigildi, eshqandaı ota jasaý qajet etilmeıdi», - dep aıtty Mańǵystaý oblystyq aýrýhanasynyń hırýrgııa qyzmeti dırektorynyń orynbasary Muhamedjan Nurǵazıev.
Eske sala keteıik, Aqtaýda er adamdy uryp-soǵyp, pyshaqpen jaralap, 3 qańtar kúni Mańǵystaý oblystyq aýrýhanasynyń qabyldaý bólimine ákep tastaǵan kúdiktini kóp uzamaı qolǵa tústi. Atalǵan derekter boıynsha polıtseıler qylmystyq is qozǵady. Qylmystyq is QR QK 293-babynyń 3-tarmaǵy boıynsha («Buzaqylyq») júrgizilýde. Kúdikti tutqyndaldy. Sotqa deıingi tergeý jumystary júrgizilýde.
