Aqtaýdaǵy astyq termınalynyń qýaty keńeıetin bolady - A. Kúrishbaev
ASTANA. Qarashanyń 9-y. QazAqparat /Qanat Mámetqazyuly/ -Aqtaý qalasyndaǵy astyq termınalynyń ótkizý qýaty keńeıe túsetin bolady.
Bul týraly búgin QR Parlamenti Májilisinde ótken Úkimet saǵatynda Aýyl sharýashylyǵy mınıstri Aqylbek Kúrishbaev málim etti, dep habarlaıdy QazAqparat.
«Elimizdegi dıqanshylyqty damyta otyryp, eń aldymen azyq-túlik astyǵynyń eksportqa baǵdarlanýyna kúsh salý qajet. Ashyq moıyndaý kerek, biz osy máselede múldem artta qalyp otyrmyz. Óıtkeni, qoldanystaǵy kólik logıstıkasy astyq óndirisiniń artyp kele jatqan eksporttyq áleýetine sáıkes kelmeıdi. Qazirgi kúni Irandaǵy Ámirabadta astyq termınalynyń qurylysy aıaqtalýǵa jaqyn, Qytaımen shekara mańynda da osyndaı termınal salý josparda bar. Sonymen birge, Aqtaý qalasyndaǵy astyq termınalynyń qýatyn arttyra túsý týraly sheshim qabyldandy. Qara teńiz porttarynan osyǵan sáıkes ınfraqurylymdy ıelený týraly usynystar bar», dedi A. Kúrishbaev. Mınıstrdiń aıtýynsha, qazirgi kúni Túrikmenstan men Iran arqyly temirjol kóligin paıdalanyp astyq eksportyna balama baǵyttardy qurý múmkindikteri de qarastyrylyp jatyr. «Sondyqtan da, aldaǵy ýaqytta astyq eksporty úshin kólik logıstıkasyn uıymdastyrýda úlken sharýalar atqarylatyn bolady», dedi mınıstr.
