Aqtaýdaǵy «Ardager» saýda ortalyǵyna «bomba qoıyldy» dep habarlaǵan kúdikti ustaldy

AQTAÝ. QazAqparat - Aqtaýda mas áıel saýda ortalyǵyna «bomba qoıyldy» dep habarlaǵan, dep habarlaıdy QazAqparat tilshisi.

Mańǵystaý oblysy Polıtsııa departamenti baspasóz qyzmetiniń habarlaýynsha, búgin túski saǵat 14:00 shamasynda Aqtaý qalasy polıtsııa basqarmasynyń 102 kezekshi pýltine «Ardager» saýda ortalyǵyna bomba qoıylǵany týraly aqparat túsken. Polıtseıler dereý saýda ortalyǵyna jetip, ortalyqtaǵy qozǵalysty shektep, turǵyndardy qaýipsiz jerge shyǵara bastaǵan.

«Polıtsııa saýda ortalyǵynyń ǵımaratyn tekserdi. Biraq jarylǵysh zat tabylǵan joq. Polıtsııa qyzmetkerleri az ýaqyt ishinde jalǵan habar bergen adamdy anyqtady. Ol 63 jastaǵy turǵyn. Ol qońyraý shalǵanda mas kúıde bolǵan. Ol Aqtaý qalasynyń polıtsııa basqarmasyna jetkizildi», - delingen oblystyq polıtsııa departamentiniń baspasóz qyzmeti taratqan habarlamada.