Aqtaýdaǵy ushaq apatyna baılanysty Ázerbaıjan Respýblıkasynan arnaıy delegatsııa keldi
ASTANA. KAZINFORM – 25 jeltoqsan kúni Aqtaý mańynda bolǵan ushaq apatyna baılanysty Mańǵystaý oblysyna Ázerbaıjan Respýblıkasynan arnaıy qurylǵan komıssııa keldi. Bul týraly oblys ákimdigi málim etti.
Delegatsııany Ázerbaıjannyń Tótenshe jaǵdaılar mınıstri bastap keldi.
Mańǵystaý oblysynyń ákimi Nurdáýdet Qılybaı men Ázerbaıjan úkimetiniń ókilderi qutqarý operatsııasy aıasynda jasalatyn tıisti sharalardy pysyqtady. Oblys ákimi Nurdáýlet Qılybaı zardap shekken azamattarǵa qajetti kómekterdiń kórsetilip jatqanyn aıtty.
Aıta keteıik, Aqtaýda Azerbaijan Airlines ushaǵy apatqa ushyrady.
Oqıǵa ornyna QR Tótenshe jaǵdaılar mınıstrligi jeke quramynyń 52 adamy men 11 birlik tehnıkasy bardy.
Apatqa ushyraǵan ushaq bortynda Qazaqstannyń 6 azamaty boldy.
QR Kólik mınıstrligi málim etkendeı, Ázerbaıjan tarapynyń aldyn ala aqparaty boıynsha, bortta 62 jolaýshy men 5 ekıpaj múshesi bolǵan.
QR Prezıdentiniń tapsyrmasymen Memlekettik komıssııa quryldy.