Aqtaýdaǵy ushaq apaty: sotqa deıingi tergeý bastaldy
ASTANA. KAZINFORM – Aqtaýdaǵy mańyndaǵy ushaq apatqa ushyraǵan oqıǵa ornyna birneshe quqyq qorǵaý organdarynyń ókili jiberildi. Bul týraly Kóliktegi polıtsııa departamentiniń baspasóz qyzmeti habarlady.
- Oqıǵa ornyna dereý Іshki ister mınıstrliginiń, Kóliktegi polıtsııa departamentiniń jáne bas kólik prokýratýrasynyń basshylyǵy, sondaı-aq jedel-tergeý toby shyqty, - delingen habarlamada.
Qazir apattyń barlyq jaǵdaıy men sebepteri anyqtalyp jatyr.
- Qazaqstan Respýblıkasy Qylmystyq kodeksiniń 344-babynyń 3-bóligi boıynsha sotqa deıingi tergep-tekserý bastaldy (kólik quralyn paıdalaný kezinde qaýipsizdik qaǵıdalaryn buzý, abaısyzda eki nemese odan da kóp adamnyń ólimine ákep soqtyrý), - deıdi departamentten.
Ózge aqparat Qylmystyq-protsessýaldyq kodekstiń 201-babyna sáıkes jarııa etýge jatpaıdy.
Aıta keteıik, QR Prezıdentiniń tapsyrmasymen áýe apatyna baılanysty Memlekettik komıssııa quryldy.
Sondaı-aq, Mańǵystaý oblysynyń ákimi ushaq apaty bolǵan jerge bardy.
Apatqa ushyraǵan ushaq bortynda Qazaqstannyń 6 azamaty boldy.
QR Kólik mınıstrligi málim etkendeı, Ázerbaıjan tarapynyń aldyn ala aqparaty boıynsha, bortta 62 jolaýshy men 5 ekıpaj múshesi bolǵan.