Aqtaýdaǵy ushaq apaty: oqıǵa hronologııasy
ASTANA. KAZINFORM – Tańerteń Aqtaý mańynda Bakýden Groznyıǵa baǵyt alǵan ushaq apatqa ushyrady.
Groznyı áýejaıynyń baspasóz qyzmetiniń málimetinshe, áýe baǵytyn burýǵa qalyń tuman sebep boldy. Ushaq aldymen Mahachkalaǵa, sodan keıin Aqtaýǵa baǵyt aldy.
Saǵat 11:20-da Bakýden Groznyıǵa ushqan ushaqtyń Aqtaý áýejaıyna shuǵyl qonýdy suraǵany týraly alǵashqy habarlama jiberildi.
Saǵat 11:30-da áýejaıdan 3 kılometr jerde ushaqtyń apatqa ushyraǵany týraly aqparat tústi. Osyǵan baılanysty joǵary rang boıynsha TJD kúshteri men quraldary qosymsha jiberildi.
Saǵat 11:45-tegi jaǵdaı boıynsha órt oqshaýlanyp, 12:05-te sóndirildi. Saǵat 14:10-da 29 adam, onyń ishinde 2 bala medıtsınalyq mekemelerge jetkizildi. Qazirgi ýaqytta avarııalyq-qutqarý jumystary jalǵasyp jatyr.
Saǵat 14:00-degi jaǵdaı boıynsha jedel jeli telefondaryna 272 qońyraý tústi.
Aldyn ala aqparat boıynsha ushaq bortynda 69 adam bolǵan, onyń 5-eýi – ekıpaj múshesi. Onyń ishinde 42 Ázerbaıjan azamaty, 6 Qazaqstan azamaty, 3 Qyrǵyzstan azamaty jáne 16 RF azamaty bolǵan. Qutqarý jumystaryna 701 jeke quram jáne 82 birlik tehnıka jumyldyryldy.
Oqıǵa ornynan 28 adam aýrýhanaǵa jetkizildi, onyń 2 bala bar.
TJM Komandalyq ortalyǵynyń bazasynda respýblıkalyq shtab quryldy, onyń quramyna Іshki ister, Densaýlyq saqtaý, Kólik mınıstrlikteriniń, Ulttyq ulannyń, Syrtqy ister mınıstrliginiń jáne basqa da vedomstvolardyń ókilderi kirdi.
Jalpy operatsııaǵa azamattyq qorǵaý qyzmetiniń jeke quramynan 701 adam jáne 82 birlik tehnıka jumyldyrylýda. Medıtsınalyq kómek kórsetý úshin Astana qalasynan sanıtarlyq avıatsııa borty Aqtaýǵa jiberildi.
Sonymen qatar oqıǵa ornynda úkimettik komıssııanyń is-qımylyn úılestirý úshin Tótenshe jaǵdaılar mınıstri Shyńǵys Árinov, Tótenshe jaǵdaılar vıtse-mınıstri Kegen Tursynbaev jáne tótenshe jaǵdaılardy joıý departamentiniń bastyǵy Aqtaýǵa ketti.
Oqıǵa týraly ózekti aqparatty alý úshin jedel jeli telefondary jumys isteıdi:
Astana qalasynyń komandalyq ortalyǵynda: 8-7172-55-96-21, 55-96-83.
Mańǵystaý oblysy TJD: 8-7292-31-90-91.
Mańǵystaý oblysynyń Densaýlyq saqtaý basqarmasy Aqtaý mańyndaǵy ushaq apaty bolǵan jerden 4 adamnyń denesi tabyldy.
Memleket basshysy Qasym-Jomart Toqaev Ázerbaıjan Prezıdenti Ilham Álıevke kóńil aıtty.
Aıta keteıik, QR Prezıdentiniń tapsyrmasymen áýe apatyna baılanysty Memlekettik komıssııa quryldy.
Buǵan deıin habarlaǵanymyzdaı Aqtaýdaǵy ushaq apatyna qatysty sotqa deıingi tergeý bastaldy.
Sondaı-aq, Mańǵystaý oblysynyń ákimi ushaq apaty bolǵan jerge bardy.
Apatqa ushyraǵan ushaq bortynda Qazaqstannyń 6 azamaty boldy.